[ViuTV][調教你MIRROR][EP07]
Facebook睇住傾節錄
1. 終於到MIRROR梅窩粉絲事件。
2. recap myself：尊重偶像，保持適當距離。
3. 真相大白，唔係花姐同節目組事先安排。梁祖堯亦諮詢晒12個人嘅意見。佢哋都覺得要處理。
4. 隊長Lokman同副隊長AK已經講得好mild。我仲覺得太過mild。
5. 姜濤好man。
6. 件事已經拖到個情況係邊個講到冇用，花姐講唔會有用，梁祖堯講亦都唔合理，所以只係得返MIRROR自己去講。受最大影響嘅姜濤講最合理。姜濤講嘅內容有進有退，係三個之中講得最好。
7. 咁啱花姐唔喺度，如果唔係一定係花姐or寶姐or經理人團隊處理啲粉絲。又咁啱今次入camp開宗名義要搵返MIRROR各人同團體嘅初心。天時地利人和有齊，如果miss咗今次機會，唔知有冇下一次。
8. 唔只係解決MIRROR同fans之間嘅問題，亦都係部分解決咗MIRROR之間因為私追粉而產生嘅問題。
9. 梁祖堯揀呢個時候做呢件事係對MIRROR非常好。
10. 如果唔信ViuTV係為咗MIRROR好而去做呢件事，而去相信佢哋只係為收視同炒作，幫唔到你，你世界太恐怖。
11. 希望MIRROR內部，仲有同粉絲之間，之後會有良好嘅對話機制。大家有心支持大家，咁就不如用最溫柔而坦白嘅方式去對話。
12. 疑似飲咗酒嘅姜濤講嘢仲係好有條理同禮貌。
13. 如果個製作係保密度高嘅，私追有機會令造型/劇情/場境曝光，有機會直頭換咗你個偶像嘅角色，好大鑊
14. 偶像唔係24小時為你生存。
15. 大家都應該好好分啲時間畀自己。
📺 99台ViuTV 逢周一至五 2300~2330
#ViuTV #調教你MIRROR
Search